Israel ram dirhnak/ Moshe Dayan part (19)

Cu dirhmun ahcun an hruaitu asi mi Moshe Dayan nih hi ka Ralkap hna caah hin โ€œLungthin thawnnak he ka hruaihna lawngah tlam a tling laiโ€ tikha ahngalh. Bomb khu le meithal kuan fang ruah bang a surmi lakah Moshe Dayan nih a ralkap hna cu

โ€œKhah! Miphun le ram cah nunnak pek ding ah timhcia a simi ka ralkap hna, tuhi kan caah thimding lam pahnih lawng a um, nihin ah kan ral Syria kut ah i ap in kan ram Israel ram lohter maw kan i thim lai, kan sining um ek in le kan nunnak dih tiang indah kan miphun le ram caah hi kan ral Syria hi kan doh hnalaw? Khah! i thim uh, kei le ram dawtu hna nih kan nunnak pek in kan ram le miphun caah kan ral cu kan doh lai, Cu lam aa thimmi hna nih ra uh law ka hnu hun ka zul uh, keimah nih nan hmai in kadir lai i kan ral cu kan tukpi hnalaiโ€,.. tiah a hum ti hna.

Cubantuk in an Bawipa Dayan nih a vun tihna nak bia nihcun thazang le lungthin ah a ba tuk cangmi Israel ralkap pawl cu an hun i hrim than i an Ralbawi Dayan he artlang in an ral Syria hna cu nunnak pek in heh tiah an hun thuat than hna. Ralbawi Moshe Dayan hrim zong mitkhat lawng a ngeimi asi nain zeitik hmanah a ralkap hna cu โ€œHmai ah nor chih uhโ€ ati bal hna lo. โ€œra uh, ka hnu in ka zul uhโ€ tiah amah nih ral hmai in a umpiak hna i Ral pawl he Bayonet (ral pawl he aa naihtuk cang tikah meithal kah lawng siti loin meithal par i bunh mi Namte in i sawh le i velh le i thah) dohnak ah a Ralkap pawl he artlang in ral pawl a rak do ti. Hi thawk inhin Israel ralkap hruainak ah โ€œKhah! kai uh, hmai ah nor uh, timi bia ai ah Ra uh! Ka hnu in ka zul uhโ€ timi bia hi hman asi i cucu Vawlei cung ralkap hruaitu cheukhat zongnih an rak i cawn ve.

Leave a Reply

Your email address will not be published. Required fields are marked *