Israel ram dirhnak/ Moshe Dayan part(16)

Cu ahcun Arab ramkawmh ralkap buu hi 26000 nak tam ansi pinah Van ralkap le Tanks pipi le hriamliam phunphung tling in a ngeimi ansi. Cu dirhmun in kum 25 leng cawnpiak mi Arab Legend ralkap buu pi hun dirawnh ding le Egypt Van ralkap pi hun dirawnh ding cu โ€œArti in Lungtum pi chehโ€ he aa lo mi asi. Asinain Israel pawl nih kan ram caah cun โ€œkan thih ahcun Vawlei, kan nun ahcun kan ram caahโ€ timi lungthin he an ngeihmi meithal te he heh tiah Arab ral cu an doh cuahmah. Cheukhat ralkap lebang cu cutluk Bomb le kuan vai lak ah denhding Kedenh hmanh an ngeihlo caah an kedak pi lawng he ral cu an doh cuahmah ko.

Chak he thlang he, Nichuah nitlak in Arab pawlnih luat kholo dingin an hun dum hna tikah Israel hruaitu hna cu an khuaruah a har i an lungre a theituk cang. Cu dirhmun ahcun Moshe Dayan cu Tel Aviv pawngkam le Galilee rili in a hun lut ding Syria ral doh ding le Nichuah chaklei le Chaklei kam i amah a chuahnak khua Degania Alef ah ralbawi rian in an chiah i a hun nam tu Syria ral kham dingah Haganah/IDF cheukhat anpek. Moshe Dayan nih a kham hnading ralkap cu Ralkap thazang 12000 le cu chan lio i a tha bik tiah an rak timi Raltuknak Vanlawng le Tank pipi he a rak tho mi Syria ralkap ansi Israel cankarlak Cozah in Prime Minister asi mi le Israel ram Prime Minister hmasabik asi mi David Ben-Gurion nih May 14,1948 ah phungtling tein Vawlei pi sinah Israel ram kan dircang tiah a hun thanh. Cu le cangka in Israel pawngkan Arab ram nga hnanih ral tukding an hun timh cawlh.

ย 

Leave a Reply

Your email address will not be published. Required fields are marked *