Israel ram dirhnak/ Moshe Dayan part(17)

 

Dal (5) nak

ย Moshe Dayan le a Ralkap Cawlcangnak

ย 

Moshe Dayan 18 May 1948 ah Jordan ral hmun lei tuanvo latu Ralbawi (Jordan Valley sector) ah rian an hun pek cawlh. Cu ahcun Syria ralkap he Suimilak pakua (9 hours) an i kap i Galilee Rilii thlanglei kap lak a timtu Syria ralkap cu a tei cawlh hna. June 1948 in 89th Battalion ah hruaitu ralbawi a hun si le cangka in Israel ram le miphun caah nunnak a thap ngammi pumpetu ralkap kha IDF chung in a hun khomh thluahmah hna. Cutikah IDF Battalion dang nih kan ralkap a kan chuh tiah an rem lo i a palhnak phunphun an rak kawl.

Cu sinak ahcun Dayan le a ralkap pumpetu hna nih Tel Aviv le Jerusalem lak a timtu Arab Legion ralkap le Palestinian hriamtlaibuu hna umnak Lod khua cu tuk doh ding ah rian an hun khinh chap hna. Cu kahdohnak ahcun Dayan le a ralkap pumpetu hna cu ralkap pakua (9) nunnak liam in teinak an hmuh. Cu in cun Degania thlanglei kap i ummi Commander Shimon Avidan hruaimi Karatiya hmun ah Egyptian ralkap he hmaitonh in i kahdoh dingah an kuat than. Cutin thlanglei an kuat in Suimilam pahnih a rauh hlan ah le chukcho an thuipah cun Ralkap zulhphung a buar tiah Israel Chief of Staff Yigael Yadin nih sual a puh pah rih. Asinain a kong ceihlo in an luatter.

Leave a Reply

Your email address will not be published. Required fields are marked *