Israel ram dirhnak/ Moshe Dayan part(18)

 

Moshe Dayan cu 23 July 1948 ah David Ben-Gurion pawng ummi ralbawi ngan sinak an hun khinh pinah Jews pawl pennak Jerusalem le kiangkap ummi ralkap lubik ah an hunt him. Cu ralbawi sinak incun an ral Arab hna teinak lam phunphun a hun kawl. Israel ralkap hna cu zantim ah Arap pawl umnak kah ding in voihnih tiang a thlah hna nain teinak hmuhlo in an rak kir. August 17/1948 ah Israel ralkap buu phuhnih a thlah than hna i Arab ralkap le Bawi pawl umnak hmun a kahter thanhna nain teinak hmuhlo in Dayan a ralkap tu sunghnak he an rak kir than. 20 October 1948, ah Beershebaโ€“Hebronโ€“Jerusalem road lam cung ummi Negev Thetse rawn i Egypt ralkap pawl thawl hna in Bethlehem/ Beit Jala hmun lak dingah Israel ralkap cu Dayan nih a thlah than hna. Cu dohnak ahcun Egypt ralkap nih Machine Gun in an run phomh ciammam hna i hmai nor kholo in hnu ah an pil than.

Dayan le a ralkap pawl nih Arab pawl nih an hun nam hna le cangka in Israel caah a biapi mi Rilii innka khua Haifa le Jaffa khuapi hna cu an lak cawlh. Cun Syria ramri lei khua biapi asi mi Tiberius le Zefat zong a lak cawlh hna. Cutin Israel ramri leikap paoh humhimnak a biapi mi khua an lakdih hnuah Ralkap thawngtha le hriamnam puitling aa ngeih mi ral Syria ralkap hna he thihnun ruatlo in an i kap cawlh. Hriamnam phuntling a ngeimi le raltuk thate in cawnpiak mi Syria ralkap he aa tu mi Dayan le a ralkap hna caah cun Sia kawng pi le Meheh aa suu mi bang Syria ralkap nih an hun nam thluahmah hna i a-

donghnak an hmunpi pawng tiang Syria ralkap nih an hun dum cang hna. Hriamnam thitha ngeihlo nih si, ralram ah rawltam tihal nih asi pinah ral hriamnam hna nih cunglei he tanglei he thlichia hranh bang an hun hranh hna i ruah bang an hun surh hna tikah cun Minung a sive komi Israel ralkap hna caah cun zaangdernak le lung zawrnak ngeihawk a tha hrim lo, an hmaika ah an dawt cukmak mi an kawp le hna le an hawikawm thatha hna nih hliamhma fak he an hun hrum ai, an nunnak ahun liam cuahmah an hmuhtik hnaah a celh te celhawk a tha hrimlo i ral kut ah i ap i sungh i pek lawng khi a tang cang ko.

Leave a Reply

Your email address will not be published. Required fields are marked *