Israel ram dirhnak?Moshe Dayan part(20)

Degania Alef le Bet hmun kahdohnak

                                                            Moshe Dayan hruaimi Haganah ralkap 8th Brigade pawl cu Degania le kiangkap vialte i Syria ral tuding le khamding ah riankhinh an hun si. Syria ralkap nihhin Galilee rili kam ummi Tiberias (Herod Antipas “the Great Herod fapa” sermi khua) lakding ah rian khinhmi Iraq ralkap hna he i tawnding tikha Arab ral hna i an khuakhannak asi caah cu an khuakhan tlamtlinnak ding ahcun Degania hrawnghrang hi lak hrimhrim an hau. Curuang ahcun Israel hruaitu hna le Haganah hruaitu hna nih Moshe Dayan cu 11th Brigade tang ummi ralkap le bawmchantu dingah khawmhsuat tharmi ralkap thar (reinforcements from the Gadna) pawl le Projector, Infantry, Anti Tank (PIAT) tiah kawhmi hriamngan pathum an hun chap. Moshe Dayan le a ralkap hna ca i cunglei biacah cu;..“Syria ralkap nih Tiberias lei in a ra ding Iraq ralkap he pehtlaihnak tuah kholo in khamding”… ti kha asi ko. Curuang ahcun Dayan nih a kuttang ralkap hna cu a phuphu in a then hna i Syria pawl an ratnak hngading lam paohpaoh a kham dih. Hi PIAT timi hriamnam hi ding tein kah ahcun 115 yards (105 m/345fts) akal kho i cho hoih in kah ahcun 350yards (320 m/1050fts) a kal kho i 2.5lbs ritmi Bomb phurkho tu Bomb

Projector, Infantry, Anti Tank (PIAT) le Davidka Mortar

kahnak asi. May 20, 1948 zingka suimilam 0400 ah Syria ralkap hnanih Samakh police station in 75 mm cannons, 60 le 81 mm mortars pawl he Degania Alef ummi Dayan ralkap pawl cu an hun den hna I minutes 30 a rauh 0430 in ke ralkap nih an hun nam colh hna. Cu ahcun Degania Alef ummi Moshe Dayan a ralkap hnacu Gadna (ral chung i khawmsuat chommi ralkap), Haganah tiah ralkap milu zapi 70 lawng ansi. An hriamnam nganmi ah PIAT le 20mm Bomb kahnak le Davibka Mortar lawng an ngei.

Leave a Reply

Your email address will not be published. Required fields are marked *