Israel ram dirhnak?Moshe Dayan part(21)

Moshe Dayan a ralkap hnacu Gadna (ral chung i khawmsuat chommi ralkap), Haganah tiah ralkap milu zapi 70 lawng ansi. An hriamnam nganmi ah PIAT le 20mm Bomb kahnak le Davibka Mortar lawng an ngei. Zingak 07:25 a hun si tik ahcun Syria ral pawl nih raltuknak Tanks le thirkhan Motor pipi le ralkap buu a zaza in an hun nor cuahmah hna. Israel ralkap caah sunghnak lam a nai tuk cang. Cu ahcun an ralbawi Moshe Dayan forhfialnak biaโ€ฆ.ย โ€œkan ram le miphun caah nunnak pek in kan tuanlai,โ€โ€ฆ ย Timi bia nih Israel ralkap lungthin a hun kah tikah an hmunkhuar in an ral Syria pawl cu meithal in an kah hna lawng siti loin Israel ralkap pawlcu an hmunkhur in an hun chuak hna i an takpum ah โ€œTii alh/ Fuelโ€ rawnmi palang thol temchih in an ral Syria Tanks le Thirkham motor pawl cu an luhhnawh hna i an khuaipiak hna. Cutikah Syria pawl raltuknak Tanks le thirkham motor pawl cu hmai kal kho tilo in a puak na, a rawk na in Israel ralkap hmun phakhlan ah an tang dih hna. Syria ralkap cu an lau tuk i a ran khawhchung i an raltuknak Tanks le motor tangmi pawl he David nih Chai te in Goliad a hun thluk bak in an rak zam bang Golan tlangcung leiah an zam diam. Dayan ralkap pawl nih Syria zamtakmi Tanks le Motor pawl cu an lak an remh hna i anmah Syria ral kahnak ah an hman than hna.

Syria pawl cu faktuk in an sungh caah an raltuk ning khuakhan an hun thlen i Dayan ralkap hmunkhuar pakhat Degania Bet cu ruahlo piin an rak nam than hoi. Hi hmun ahhin Dayan ralkap 80 hrawng an um nain hriamliam pi ah PIAT zunkhat lawng an ngei. Cupinah Dayan umnak hmunpi lei he pehtlaihnak an ngeihlo caah hmakhat teah kan lak colh lai tiah Syria nih an i ruah. An ruahning bang Syria ral nih an hun lak dengmang taktak hna. Dayan hi a ral that le raltuk a thiam lawng silo in a ralkap cawlcang le ral sining a ngiathlai khotu ralbawitha pakhat asi caah, hmun dangdang ummi a ralkap pawl he tha tein pehtlaihnak ngeih aazuam. Curuangahcun Degania Bet ummi a ralkap sinah ralkap pakhat a thlah i thil sining a vung hlat ter. Degania Bet sining a hngalh le cangka in Dayan nih 65 mm Bomb kahnak le Napoleonchik canons zunli a hun kuat cawlh hna.

Cun a ralkap hna cu, โ€ฆRam dawtu Israel ralkap hna, tuhi na ram caah na can sunglawi asi, na hmai ka i na ral hna nih hriamnam phunphun in an in nam i tlerhkhawnnak phunkip he an rak ra, sihmanhsehlaw cu hna cu teinak petu taktak an silo, teinak petu taktak cu kan mah le kan lungthin asi, kan lungthin nih ngamhnak le tei duhnak kanngeih ahcun kan kut i a ummi kan hriamnam hna hi teitu sinak ca i a thabik mi ansi, cucahcun na kut i a ummi na hriamnam kha i lak law na ram le na miphun caah teinak hmuhding ah i timtuahโ€ tiah bia a hun cah hna. Cu le cangka in Israel ralkap hna nih Syria ralbawi umnak Samakh hmun cu an hei den colh pinah Syria hriamnam 500 leng an hun hrawhpiak hna. Syria pawl cu an ruahlo ning tukin Israel ralkap an hun cawlcangh tikah hmailei nor ngam tilo in hnu ah lodiam an zam than hoi.

Leave a Reply

Your email address will not be published. Required fields are marked *