Taiping Dothlennak le CDF

Tulio mipi dothlennak i ka lung a chuak ngai mi le aalo ngai mi cu 19th century lio i China dothlennak asi. Cu lakah a lar ngaimi le tulio CDF he aa longai tiah ka ruahmi cu “Taiphing”dothlennak asi. An hruaitu hi “Hau Shu Suan” ti asi i velh lei zanglehnak thiam ngaimi asi caah Mirang nih “Boxing Revolution” ti zongin an rak tiphah. Cuhna nihcun khatlei in China last empire asi mi “Mancho” Siangpahrang pennak kha an doh pah in Nitlak ram pawl i China ah pennak ser an timhmi kha an doh. Hmakhat te ahcun Nangjin khuapi zong an lak khawh i an hmunpi an an ser hnuah “Taiping Tiangkaw/Taiping ram duhdim” ti zongin amin an sak i ram fate in an dir. An dothlen nak i an thazang nganbik cu mino le lothlo pawl ansi i an hriamnam hi fei le nam asi. Kannih CDF zong tulio kan dothlennak zoh tikah chanthar hriamnam pi kha Lai meithal in kan doh cuahmah. Kan hriamnam aa thlautuk nain kan thinlung put le kan ngamhnak aa tlau ve caah ralhrang pawl an lau ngaingai i teinak zeimawzah kan hmu. Hi dothlennak nih a langhter mi cu “Dothlennak ah Hriamnam hi cu teinak hmuhnak caah 50% long asi” timi khi asi. Cucahcun nihin kan dothlennak hi “Mino le Lothlo fonh nih Taiping ramnuam” anser bang in “Chinland ramnuam” sernak ding caah nihin kan kutah Pathian nih cantha a kan pek. Ralhruang thatuk asimi fong le tlang horkuang a kan serpiak, hriamnam thabik asimi thinlung ลฃhawnnak kha mino le rammi lakah a kan ngeihter. Raldohnak ah an chim theomi cu “ralhna an hriamnam cu kanmah hriamnam asi” an ti. Asullam cu kan ral hna kha tei hna in an hriamnam kha lakpiak hna le kanmah hriamnak ah i ser khi asi.ย  Cucahcun nihin hi Pathian nih a kan pekmi canลฃha asi.

Leave a Reply

Your email address will not be published. Required fields are marked *