Uknak thalo dohnak Ni 100

Kan ram uknak thalo dohnak le mipi aukhuannak ni 100 a tling cang. Hi Ni 100 chungah mipi nunnak 700 leng a liam i tlaihkhih le hrenkhum 3000 leng an tong. Hmunhlum hriamtlai lakah KIA le KNU-brg (5) nih biatak in an doh hna. Khatlei in mino buu nih dirhmi mipi runvengtu bu nih an doh ve hna. Cun NLD+Ramkhel zam mi nih dirhmi CRPH/NUG nih an ti khawhnak lam in an doh ve. Khatlei in mahtluk buai le ramrian ti lioah canลฃha lak in pawkhimnak caah a ลฃuantu zong cu umve asi hoi. Hitin buainak le dohnak in i nam asi nain zei pipa thlennak a um rihlo. Hi Ni 100 a kal cangmi kanram uknak thalo dohnak ahhin zeiruang ahdah teinak pipa zei pipa kan hmuh rihlo timi hi tuaktan ngai a hau tiah karuah. Kanmah he aa khat mi le kan innpa asi mi China zong nih uknak thalo dohnak caah “ni 100 thlenremhnak/ 100days restoration” tiah an rak cawlcang bal. Cu cawlcanghnak cu China ram i Siangpahrang pennak kha hrawh in mipi nih rikhiapiakmi le chan he aa tlakmi ukhruainak serchuah duh ah a chuakmi asi. China ram a donghnak bik an Siangpahrang pennak Qing/Mancho pennak i a donghnak Siangpahrang nu “Cisi(A vapa a thih hnuah roco tu a fapa “Puyi” a zat rihlo caah a tlaihchung)” chanah asi. Hi chan ahhin China ram cu nitlak lei ram (Frence, British tbk..) leinih an rak luhhnawh i rithai sii zuarnak le chaw lehthalnak ah an rak hman hna pinah an ram uknak kha rialdip mi le hrenkhip mi Siangpahrang uhnak, chan tilet a dawi kho tilo mi uknak in kalpi asi caah ramchung sifah nak a karh, mino tete hna hlawhhlang le rithaisii nih an nun a hrawh hna tikah dohdalnak a phunphun achuak. Cu dohdalnak nihcun China Emperior ram a donghter i mipi nih rikhiahmi siangpahrang pennak ah a thleng tu “Ni 100 dohdalna” a hun chuahnak cu asi.

Cu “Ni 100 dohdalnak” ruang ahcun China ram Qing Siangpahrang pennak a dongh ter long silo in nitlak ram pawl le Japan pawl nih duhpaoh in an nawnnawk hna nak zong a rehter pinah chan hnu a tlaimi China ram thanchonak le hunchonak a chuahter. Kannih kan ram belte cu “Ni 100” a kal cangmi mipi dohnak ah zei pipa thlennak a umlo rih pinah ralhrang pawl tu an lawr chinchin i karlak ah hloknak le simdawnnak ah cantha lak in “pawte khimnak” a tuakmi tu kan karh. Hiti ning in kan kal rihko i catlap cung cathanh luala le i tlerhkhon luala in kan kal rihko ahcun “Ni 200” kan rauh ah khin Ralhrang kutchung ah kan i paih dih kho te men. Cucahcun hi ralhrang tei le hrawh kanduh taktak ko ahcun kan pawte khimnak ca nakin kan ram le mipi himnak le zalennak caah a herhmi ลฃuanhma lak tu hi i hmaithlak kan hau.

Leave a Reply

Your email address will not be published. Required fields are marked *